ASCS

Rannsóknarhópur um hagnýta vöruferla (ASCS: Applied Supply Chain Systems Research Group) er sjálfstætt starfandi rannsóknarhópur sem starfar innan Iðnaðarverkfræði, vélaverkfræði og tölvunarfræði við Verkfræði- og náttúrvísindasviðs Háskóla Íslands.
  • Áhersla er lögð á hagnýtar rannsóknir um stjórnun og upplýsingamiðlun í virðiskeðju viðkvæmra afurða eins og matvæla þar sem markmiðið er að stuðla að aukinni hagkvæmni og bæta nýtingu, gæði, öryggi, rekjanleika og gagnsæi í keðjunni með öryggi neytenda að leiðarljósi.
  • Rannsóknarverkefni hópsins hafa þverfræðilega nálgun þar sem matvælafræði og raunvísindi tengjast verkfræðigreinum eins og iðnaðar- og umhverfisverkfræði og tölvunarfræði.
  • Lykil rannsóknarsvið miða að lausnum sem auka sjálfbærni framleiðslu, minnka sóun á hráefnum og vörum, bæta orkunýtingu og stuðla að umhverfisvænni framleiðslu og hollum matvælum.
  • Þarfagreiningar byggðar á rýnihópum og spurningakönnunum í samstarfi við Félagsvísindstofnun HÍ, auk áhættumats og eftirfylgni við innleiðingu nýrrar tækni, eru rannsóknaráherslur sem hópurinn hefur notað til að fylgja eftir nýsköpunarhugmyndum.
  • Leitast er við að auka skilning á helstu hindrunum sem standa í vegi fyrir nýsköpun og  innleiðingu á tækni og hvötunum sem auka möguleika á nýsköpun  og markaðshæfni nýrrar tækni.